“ҚАДАҲ СЎЗИ” НУТҚИЙ ЖАНРИНИНГ ЛИНГВИСТИК АТТРИБУТИ - ЭТНИК ОМИЛ СИФАТИДА

Abstract

Дунё тилшунослигида ўтган асрнинг 50-йилларидан тилнинг коммуникатив функциясини ўрганишга, бунда нутқий ҳодисаларнинг, хусусан, нутқий жанрларнинг ҳам лингвистик хусусиятларини тадқиқ қилишга эътибор кучайди. Тил тизимида нутқий жанр яхлит нутқий бутунлик сифатида намоён бўлиб, унда нутқий мақсад, композиция ва услуб ҳамоҳанглиги кузатилади. Ҳозиргача бўлган нутқий жанрларга оид тадқиқотлар шуни кўрсатадики, турли тизимли тиллардаги нутқий жанрлар  вербал, нолвербал ва лингвистик атрибутлар воситасида ифодаланиб, ушбу лингвистик воситалардаги лингвистик шакллар муайян ижтимоий жамиятнинг миллий қадриятлари, қарашлари, удумлари ва тарихини ўзида акс эттириб, муайян жамиятнинг ижтимоий даврий хусусиятлари билан боғлиқ шаклланади.