EPIDEMIOLOGIYA FANI TA’LIM SIFATINI OSHIRISHDA SIMULYATSION O‘QITISHNING O‘RNI

Abstract

Simulyatsion ta’lim metodlari epidemiologiya fanini o‘qitishda ta’lim sifatini sezilarli darajada oshirishga yordam beradi. Simulyatsion o‘qitish – bu talabalarni amaliyotdagi kasbiy vaziyatlarga tayyorlash uchun sun'iy muhit yaratish va bu orqali o‘quv jarayonini interaktiv shaklda tashkil etish metodidir. Epidemiologiya fanida simulyatsion o‘qitish kasallik tarqalishi, uning profilaktikasi va boshqaruvi bo‘yicha ko‘nikmalarni rivojlantirish uchun qo‘llaniladi. Dunyo bo‘ylab ko‘plab tibbiyot universitetlar epidemiologiya fanini o‘qitishda simulyatsion metodlardan foydalanishni boshlagan. Masalan, AQShda Simulyatsiya va Sog‘liqni saqlash tadqiqotlari markazi talabalarga SARS-CoV-2 pandemiyasi bo‘yicha simulyatsiya mashg‘ulotlarini o‘tkazish imkoniyatini yaratgan. Bu talabalar uchun pandemiyaga qarshi kurashish strategiyalarini ishlab chiqishda muhim tajriba bo‘ldi.