Tafsirda nafs illatlari va uni poklash vositalari bayoni

Аннотация

Kishilik jamiyatida har bir insonning holati, o‘z atrofidagi insonlar bilan munosabatidagi xulq atvori, yaxshi-yomon xislatlari muhim ahamiyatga ega. Bir inson o‘z shaxsiyatini go‘zallashtirib, salbiy sifatlardan uzoqlashgani sari jamiyatdagi muammolar isloh bo‘la boshlaydi. Tazkiyatun nafs mavzusini oʻrganish asnosida nafsni poklovchi sifatlar va nafsni halokatga olib boruvchi sifatlar asosiy oʻrinni egallashini koʻrish mumkin. Inson ushbu sifatlarning yomonliklaridan xalos boʻlib, maqtalgan yaxshi sifatlarni oʻzlashtirgani sari komil inson darajasiga koʻtariladi. Mufassir Ismoil Haqqiy Bursaviyning nafsni salbiy illatlardan poklash yoʻllari “Yusuf” surasida keltirgan ishoriy ta’villari orqali tahlil etiladi.