NASIHAT RUHIDAGI ASARLARDA MAVZU, G‘OYA

Аннотация

Sharq donishmand ijodkorlari inson ruhiyatini asrash, uning zamon va zamin bilan munosabatini to‘g‘ri yo‘lga qo‘yish, Yaratgan zotning buyruqlariga amal qilish, xullas, insonday yashashni targ‘ib qiluvchi, kerak bo‘lsa, o‘rgatuvchi asarlarni yaratib ketganlar. Ularning har birida insonda bo‘lishi kerak fazilatlar ulug‘lanib, yaqinlashtirilmasligi zarur bo‘lgan qusurlar mazammat qilinadi. Xususan, “Kalila va Dimna”da roja belgilab bergan mavzu doirasida brahman bir rivoyat aytib beradi. Roja brahmandan ikki do‘st orasida paydo bo‘lgan dushmanlik haqidagi hikoyatdan so‘ng, samimiy do‘stlar, haqiqiy birodarlik borasida so‘zlashni so‘raydi. Unda ma’lum mavzu sarlavhaga chiqarilmasdan, bir mavzudagi hikoya asosida ikkinchi hikoya keltirilaveradi.