МАҚОЛЛАР ВОСИТАСИДА ЯПОН ВА ЎЗБЕК МИЛЛИЙ ХАРАКТЕРИНИНГ ИФОДАЛАНИШИ

Аннотация

Мақоллар вақт ўтиши билан кишиларнинг ҳаётий кузатишлари, тажриба ва билим алмашишлари орқали сайқалланиб боради. Эътиборлиси шундаки, аксарият мақоллар ихчам кўринишга эга бўлиш билан бир қаторда, ёдда сақлаш осон бўлса, яна айримлари инсон нутқида қўлланилиши ноодатий бўлган ғализ сўзлар иштирокида ифодаланиши билан хусусиятланади. Бу турдаги мақоллар маълум миқдорда ҳақиқатнинг қайсидир томонини кескин кўрсатиб бераиш ёки инсонни номақбул ҳаракатларни бажармасликка ундош хусусиятига эга бўлган мақоллар сифатида нутқимизда фаоллашади. Шу сабабли, кўп ҳолларда сўзловчининг мулоқотдан кўзлаган мақсадини ойдинлаштиришда таяниладиган далилларнинг ишончлилигини ошириш учун самарали восита сифатида мақолларга мурожаат қилинади.