AKSIYADORLIK TIJORAT BANKLARI FOYDA KO'RSATKICHLARIGA TA'SIR ETUVCHI OMILLARNING MUOMMOLARI VA ISTIQBOLLARI
Аннотация
O‘zbekiston iqtisodiyotining barqaror rivojlanishida tijorat banklari muhim o‘rin egallaydi. Aksiyadorlik tijorat banklari, xususan, o‘zining moliyaviy salohiyati va faoliyat ko‘rsatkichlari orqali iqtisodiyotning turli sohalariga kreditlar ajratish, investitsiya faoliyatini rag‘batlantirish, to‘lovlar tizimini ta’minlash kabi asosiy moliyaviy xizmatlarni amalga oshiradi. Shuning uchun banklarning foyda ko‘rsatkichlarini aniqlash va ularni oshirishga ta’sir qiluvchi omillarni o‘rganish dolzarb masalalardan biridir. Aksiyadorlik tijorat banklarining foyda ko‘rsatkichlariga ta’sir etuvchi omillar ko‘plab iqtisodiy, moliyaviy va tashqi omillardan iborat bo‘lib, ular orasida bankning aktivlar va passivlar portfeli, kredit siyosati, kapital boshqaruvi, foiz stavkalari va davlatning iqtisodiy siyosati muhim o‘rin tutadi. Shu bilan birga, bank faoliyatining samaradorligini oshirishda bozor talablarini to‘g‘ri anglash, mijozlar bilan samarali munosabatlarni o‘rnatish va raqobatbardoshlikni ta’minlash kabi omillar ham alohida e’tiborga olinishi zarur.
