KO‘ZI OJIZ VA ZAIF KO‘RUVCHILAR UCHUN OVOZLI YO‘RIQNOMA TIZIMLARINI ISHLAB CHIQISH VA QO‘LLASH IMKONIYATLARI
Keywords:
: Braille alifbosi, ko‘zi ojizlar, zaif ko‘ruvchilar, radiotexnik qurilmalar, ovozli interfeys, taktil texnologiyalar, mikrokontroller, simsiz aloqa, inklyuziv texnologiyalar, axborot texnologiyalari, universalAbstract
Mazkur ilmiy ish ko‘zi ojiz va zaif ko‘ruvchilar uchun Braille alifbosiga asoslangan radiotexnik qurilmalar kompleksini ishlab chiqish va uni amaliyotga tadbiq etish imkoniyatlarini o‘rganishga qaratilgan. Ushbu loyiha ko‘zi ojiz insonlarga axborot olishda yordam beruvchi innovatsion texnologiyalarni ishlab chiqishga mo‘ljallangan. Qurilma Braille alifbosi yordamida axborotni taktil tarzda taqdim etish, ovozli va taktil interfeyslar orqali axborot almashinuvi va simsiz tarmoqlar orqali ulanish imkoniyatlarini taqdim etadi. Qurilmaning asosiy komponentlari Braille displey, ovozli ko‘rsatmalar tizimi, taktil qayta aloqa moduli va boshqaruv interfeysi bo‘lib, ular foydalanuvchi ehtiyojlariga moslashtirilgan va qulay ishlashni ta’minlaydi. Qurilma mikrokontrollerlar, sensorlar va simsiz aloqa modullari yordamida axborotlarni uzatish va qabul qilish imkoniyatlarini yaratadi, shuningdek, energiya samaradorligi va portativlik tamoyillariga mos dizaynni ta’minlaydi. Loyiha ko‘zi ojiz va zaif ko‘ruvchilarni kundalik hayotda samarali yordamchi texnologiyalar bilan ta’minlashga qaratilgan va inklyuziv jamiyatni rivojlantirishga hissa qo‘shadi
