BOG‘LANISH NAZARIYASINI ONA VA BOLA OBRAZLARI TAHLILIDA TATBIQ ETISH
Keywords:
психология, теория привязанности, психоанализ, психологический метод, межличностные отношения, раннее развитие, мать и ребенок., psychology, attachment theory, psychoanalysis, psychological method, interpersonal relationship, early development, mother and child., psixologiya, bog’lanish nazariyasi, psixoanaliz, psixologik metod, shaxslararo munosabat, erta rivojlanish, on ava bola.Abstract
Adabiyotshunoslikda psixologik maktab – XIX asrning oxirgi choragida G‘arbiy Yevropa va Rossiya ilmiy muhitida maydonga kelgan yo‘nalish. Bu ilmiy yo‘nalish madaniy-tarixiy va biografik metod qarashlarini qayta idrok etib, ularni qayta rivojlantirish asosida shakllangan. [5] Psixologik maktab ijodkor shaxsining shakllanishida oila, ijtimoiy muhit, davr singari omillarning muhimligini e’tirof etadi hamda biografik metod singari badiiy asarni ijodkor shaxsining aksi deb hisoblaydi. Mazkur qarashlarni birlashtirgan holda psixologik metod bu omillarning bari ijodkor ruhiyati orqali namoyon bo‘ladi deb hisoblaydi va shundan kelib chiqib ijodkorning ruhiy biografiyasi, badiiy ijodning psixologik jihatlarini o‘rganishni diqqat markaziga qo‘yadi. Ijodkor o‘zi uchun yozadi, o‘zini qiynayotgan dardlar va kechinmalarini ifodalaydi, shu orqali ulardan forig‘ bo‘ladi, asar ijodkor qalbi modeli bo‘lib xizmat qiladi.
