ҰЛТ ҚҰНДЫЛЫҒЫ – ҰРПАҚ ТӘРБИЕСІНДЕ

Abstract

«Қайда баратыныңды емес, қайдан шыққаныңды ұмытпа» деген қазақта әдемі айтылған осы сөздің түп-төркіне қарасақ, біздің ұлтымыздың ғасырларға жалғасып келе жатқан құндылығының өзі – ұрпағына ұлттық құндылықтарды сіңіруінде, игеруінде дер едік. Ес білгеннен, бір-ақ ауыз сөзбен «ұят болады» деген сөз біздегі ұлттық тәрбиенің бастауы десек артық емес. Өмірінің соңына дейін тәрбиенің бастауы, шамшырағы - осы «ұят болады» деген сөз біздің жадымызда, жүрегімізде мәңгі сақталады. Бала кезімізден, атадан, ападан, әке-шешеден, көрші-қолаңнан, т.б., өсе келе дос-жолдастарыңнан, елден «ұят болады» деген сөз біздің тәрбиеміздің темір-қазығы іспеттес болды.