MA’NAVIY-MA’RIFIY VA MUSIQIY TADBIRLARNING BO‘LAJAK O‘QITUVCHILAR ESTETIK TARBIYASIDAGI O‘RNI

Abstract

Hozirgi kunda barcha ziyolilarning vazifasi jamiyatning barcha qatlamlarida u hoh sport sohasida bo‘lsin, hoh iqtisodiy-diplomatik aloqalarda bo‘lsin, hoh san’at sohasida bo‘lsin barcha – barchasida o‘zbekona, o‘zligimizga xos va mos bo‘lgan ma’naviyatni shakllantirishdir. Inson ma’naviy taraqqiyotini musiqiy madaniyatsiz tasavvur qila olmaydi. Insoniyat tarixida o‘chmas iz qoldirgan barcha allomalar ham musiqa san’atining boy imkoniyatlardan to‘la foydalanib, san’at orqali ma’naviy kamolot cho‘qqilarini zabt etishga muvaffaq bo‘lganlar. Ajdodlarimiz musiqa san’atining inson shaxsini kamol toptirishda oliyjanob insoniy fazilatlarni tarbiyalashdagi ahamiyatiga yuksak baho berganlar.