ABU ALI IBN SINO TA’LIMOTIDA INSON MASALASI

Abstract

Inson masalasi doimo falsafiy ta’limotlar markazida bo‘lgan. Inson to‘g‘risidagi ilk tasavvurlar falsafa maydoniga kelishidan ancha avval paydo bo‘lgan. Inson va uning mohiyati haqidagi falsafiy ta’limotlar qadimdan boshlanib, asta-sekin rivojlangan. “Falsafa”ni fikrlashdagi insoniyat, “insoniyat”ni esa - amaliy hayotdagi falsafa deyish mumkin. Ma’naviy merosimiz durdonalarida, mutafakkirlarimizning bebaho asarlarida, ularning qimmatli tabiiy-ilmiy, falsafiy ijtimoiy-iqtisodiy, axloqiy qarashlarining asosida inson masalasi turibdi. Yillar osha, asrlar osha bu masala sayqal topib bormoqda.