BOLALARDA SURUNKALI VIRUSLI GEPATIT C KASALLIGINI DAVOLASH XUSUSIYATLARI

Abstract

Jahon Sog‘liqni saqlash tashkiloti ma'lumotlariga ko‘ra, gepatitning С turi bilan yer yuzining 70 milliondan ortiq kishisi aziyat chekadi. Ushbu infeksiya va u bilan bog‘liq asoratlar natijasida yiliga 400 mingga yaqin inson vafot etadi.Hozirgi vaqtgacha surunkali virusli gepatit C (SVGC) bolalar orasida uchrashi  dolzarb bo‘lib qolmoqda. Turli mualliflarning fikriga ko‘ra, bolalarda ushbu infeksiyaning tarqalishi 0,1% dan 5% gacha. Gepatit C virusi bilan kasallanish har yili ortib bormoqda.

Virus yuqtirgan odamlarning taxminan 70% da kasallik surunkali shaklga o‘tadi. Bolalarda virusli gepatit C asosan perinatal yo‘l bilan yuqadi, ya’ni onadan bolaga infeksiya  yuqish chastotasi 2-5% ni tashkil qiladi. Shuningdek, bolalarda virusli gepatit C qon quyish yo‘li orqali yuqishi ham dolzarb bo‘lib qolmoqda.

Ma’nbalarda keltirilishicha, bolalarda SVGC kechishi minimal klinik belgilar bilan tavsiflanadi va ko‘pincha me’yoriy ko‘rsatgichda yoki zardob transaminazalarining biroz oshishi bilan tavsiflanadi. Ko‘p holatlarda SVGC bilan og‘rigan bolalar uchun Pegintron va ribavirin bilan kombinatsiyalangan terapiya tavsiya etiladi.