MARKAZIY QIZILQUM FOSFORITLARIDAN OLINGAN FTORSIZLANTIRILGAN FOSFORLI O‘G‘ITLAR OLISH

Abstract

Dunyoda kimyo sanoatida fosfatli birikmalar ishlab chiqarish sohasining rivojlanishi bilan litosferada ifloslantiruvchi moddalarning, xususan ftor birikmalarining yig‘ilishi, shuningdek, ftor va uning birikmalarining yuqori biologik faolligi tufayli atrof-muhitga tuzatib bo‘lmas darajada zarar yetkazmoqda. Biroq, iqtisodiyotning turli sohalarida keng qo‘llaniladigan ishqoriy metallarning ftoridlariga bo‘lgan talab juda yuqori. Shu sababli, o‘simlik va chorvachilikni xavfsiz mahsulotlar bilan ta’minlash uchun ammofos ishlab chiqarishda oraliq mahsulotlar sifatida ftor birikmalarini ajratib olish, buning natijasida esa respublikamizdagi aylanma iqtisodiyotni rivojlantirish hamda oziq-ovqat xavfsizligini ta’minlashda muhim ahamiyat kasb etadi.