MOLIYAVIY LEVERIJ – KOMPANIYALAR KAPITALI DAROMADLILIGINI OSHIRISH INSTRUMENTI SIFATIDA

Choriyev Isroil Xamzayevich

Abstract

Raqobatdosh iqtisodiyot sharoitida Respublikamizda faoliyat yuritayotgan barcha xo‘jalik yurituvchi sub’ektlarning pirovard maqsadi maksimal foyda olishdan hamda o‘z moliyaviy holatini mustahkamlashdan iborat. Korxona rahbarlari va moliyaviy menejerlari tomonidan ishlab chiqarish, investitsion va moliyaviy faoliyatlar bo‘yicha foydani shakllantirish va uni ko‘paytirishda samarali boshqaruv usullarining qo‘llanilishi muhim ahamiyat kasb etadi. Xo‘jalik yurituvchi sub’ektlar faoliyatining natijaviyligiga bir qator omillar ta’sir etadi. Bunday omillar qatoriga sotilgan mahsulot(ish, xizmat)lar hajmi va bahosi, ishlab chiqarish va davr xarajatlari, moliyaviy faoliyatning daromadlari va xarajatlari, to‘lanadigan soliqlar va boshqa omillarni kiritish mumkin. Foydani shakllanishiga ta’sir etuvchi muhim omillar tarkibida olingan kredit va qarzlar uchun to‘lanadigan foizlar hamda to‘lanadigan soliqlarning ham o‘rni katta. Mazkur omillarni samarali boshqarishda foydalaniladigan ko‘rsatkichlardan biri bu leverij ko‘rsatkichidir.