BANK TIZIMIDA RAQAMLI TRANSFORMATSIYANI TASHKIL ETISH ISTIQBOLLARI

Abstract

Mavzuning dolzarbligi. Bugungi kunda respublikamiz iqtisodiyotining barqaror rivojlanishi avvalambor, unda amalga oshirilayotgan islohotlar natijalari bilan chambarchas bog‘liq. Xalqaro bank amaliyoti tajribasi shuni ko‘rsatmoqdaki, bozor munosabatlari sharoitida tijorat banklari kapitalining samaradorligini va uning yetarliligini ta’minlamasdan turib, banklarning to‘lov qobiliyatini mustahkamlash va aholining bank tizimiga bo‘lgan ishonchini mustahkamlash mushkul vazifalardan biri hisoblanadi. Tijorat banklari bozor iqtisodiyoti sharoitida xo‘jalik subyektlarining joriy va investitsiya xarajatlarini moliyalashtirishning asosiy manbaiga aylangan. Mamlakatimizda ham iqtisodiyotni moliyalashtiruvchi asosiy tuzilma sifatida tijorat banklari namoyon bo’lmoqda. Shu sababli tijorat banklari faoliyatini rivojlantirish va tijorat banklarida davlat ulushini xususiylashtirishda tijorat banklarida transformatsiya jarayonlarini tashkil etish dolzarblik kasb etmoqda.