YANGI O‘ZBEKISTONDA ALISHER NAVOIY MEROSINI TADQIQ ETISH BO‘YICHA AMALGA OSHIRILAYOTGAN MA’NAVIY YANGILANISHLAR.

Abstract

Ulug‘ mutafakkir Mir Alisher Navoiy ijodiy merosining ko‘lami va ta’sir darajasi shunchalik kengki, shu bois u zamon va makon chegarasini tan olmaydi. Uning asarlarida umuminsoniy qadriyatlar madh etiladi. Bu esa har qanday millatga mansub inson ma’naviyati uchun suv va havoday zarurdir. Ammo, Navoiy va uning asarlari turkiyzabon xalqlar, jumladan, biz o‘zbeklar uchun alohida ahamiyatga ega. Chunki, o‘zbek adabiy tilining shakllanishi va xalqning millat sifatida yuzaga chiqishida boshqa biror bir shaxsiyat Alisher Navoiychalik chuqur iz qoldirmagan. Shuning uchun bizda Navoiyni tushunish va tushuntirish yo‘lidagi izlanishlar hech qachon to‘xtab qolmagan.